Tugpa sa Presohan ang usa ka Construction Worker, tungod sa kasong Attempted Homicide, pinaagi sa gipahigayon nga Law Enforcement Operation sa mga Personahe sa 5th Special Operations Unit – Maritime Group (Mabuhay Seaborne Command),pinaagi usab sa koordinasyon sa mga Personahe sa Dapitan City Police Station, didto sa Barangay Dawo sa Dakbayan sa Dapitan, ning Probinsiya sa Zamboanga Del Norte, niadtong nakalabay’ny adlaw, Hulyo 6, 2025 sa may alas 12:50 sa hapon.
Giila sa Dapitan PNP ang dinakpan sa Alyas nga Jerry, 33 anyos ulitawo, ug Lumolupyo sa Sitio Mahayag, sa Barangay Masidlakon, Syudad sa Dapitan, ning maong Probinsiya. Sa pahayag nga giluwatan sa Maritime Pnp, nga sa ilang gipahigayon nga Operasyon, bit-bit nila ang Warrant of Arrest sa Krimen nga Attempted Homicide batok sa Suspect, nga naka doket ubos sa Criminal Case Number 20835, nga giisyu ni Hilarion Jonathan Garcia Maagad, Presiding Judge sa Municipal Trial Court in Cities, 9th Judicial Region, Dapitan City, penitsahan og Mayo 6, 2025.
Hinuon, gitugotan sa Korte nga makapyansa ang dinakpan sa kantidad nga Php36,000.00 alang na sa iyang temporaryong kagawasan, samtang ang Suspetsado atua na ubos sa Kustodiya sa Dapitan City Custudial Facility, samtang gi-asikaso ang pagbalik sa Warrant of Arrest ngadto sa korte nga nag-isyu niini.(Julius Esmade)
Source: DAPITAN CITY POLICE STATION