Usa ka pulis nga sakop sa Traffic Enforcement Unit (TEU) sa Lapu-Lapu City gipusil sa iyang kauban sulod sa usa ka pribadong lugar sa Barangay Mactan pasado alas 9 sa buntag, Marso 23, 2026.
Ang biktima, 40 anyos, naa sulod sa iyang sakyanan sa dihang nahitabo ang pagpamusil. Naigo sa mga bala ang windshield ug driver’s side sa maong sakyanan, samtang walo ka empty cartridge case ang nakit-an sa lugar sa insidente.
Sumala sa Lapu-Lapu City Police Office, padayon pa ang pag-verify sa kahimtang sa biktima human sa maong pagpamusil.
Ang suspek, nga pareho og ranggo nga Master Sergeant sa biktima, mitahan dayon human sa hitabo ug gisurrender ang iyang armas sa TEU.
Sa pagkakaron, gipaubos na sa restrictive custody ang suspek samtang gipadayon sa kapulisan ang imbestigasyon aron matino ang motibo sa maong pagpamusil.
Source: LCPO
I via Renante Socia Lada