27.2 C
Manila
Friday, March 29, 2024

Cebu: Public schools, dakong hagit ang physical nga pagpaso sa graduation ug end-of-school year rites, kompara sa mga private schools

- Advertisement -

Cebu City – Gilantaw nga mas sayon nga maka pahigayon sa ilang physical end-of-school year rites, lakip na ang moving up ug graduation ceremonies ang mga private schools samtang dakong hagit kini sa mga public schools base sa guidelines nga gilatid pagsubay sa mga limitasyon gumikan sa Covid-19 pandemic.

Visit RPN DYKC Cebu

Kini tungod kay, kung itandi sa pampublikong tunghaan, ang mga pribadong tunghaan gamay lang ang mga tinun-an ug duna sab silay venues diin mapahigayon ang ilang ceremony.

Gibutyag ni Dr. Rhea Mar Angtud, Cebu City Division Superintendent sa Department of Education (DepEd), nga duna nay mga tunghaan nga nananghid sa ilang physical graduation, kansang pagtugot naga gikan sa DepEd regional office.

“Naay mga private schools nga ni-request na for a face-to-face graduation but ang regional office man guy muhatag og approval ani,” matod ni Angtud.

Gitugot sa DepEd ang physical end-of-school year rites alang sa mga tunghaan sa mga lugar nga ubos sa Alert Level 1 ug 2, apan kinahanglang sundon ang mga guidelines ug mo coordinate ang mga tunghaan ngadto sa local government unit.

Tukion pa sa DepEd kung unsaon nila ang sitwasyon sa pampublikong mga tunghaan, nga dunay mas daghang population kompara sa pribadong mga tunghaan.

Dunay kapin sa 400 ka mga estudyante ang mo graduate gikan sa public school.

“Sa public schools, wala pa mi mo-kuan anang dapita kay ang ato man gung mga eskwelahan atong gitan-aw, more than 400 pataas ang mu-graduate and so lisod siya i-handle kung ang IATF nga protocol ang sundon,” pasabot ni Angtud.

Ubos sa guidelines sa DepEd base sa IATF protocols, gi require ang mga tinun-an nga mosul-ob ug face mask sa duration sa event, apan mas challenging nga requirement mao ang one-meter distance matag indibidwal.

Dunay mga assigned nga mga lingkuranan ang mga estudyante ug gi discourage ang handshaking ug bisan unsang matang sa physical contact.

Kadto lang mga ginikanan o usa ka gi designate nga guardian ang tugtan nga maka uban sa mover o candidate sa graduation.

“Meaning, ang mga lingkuranan lagyo kaayo sa ngatanan kay distancing man kaha… Ato man gung gitan-aw, that’s a happy occasion man gud… so dili nato malikayan nga magduol, mo-congratulate, mag-gakos, samok ba… Dihang dapita… amo pang gitan-aw kung how feasible kung mukuan ug graduation,” pasabot ni Angtud.

Kasamtangan nga gipahigayon ang public consultations sa mga school principals uban sa mga stakeholders ug mga ginikanan.

“Tan-awon nato ang consultation nga ilang gipanghimo,” pahibaw ni Angtud.

Alang sa mga public schools sa Syudad sa Sugbo, ang kasamtangan nga school year matapos sa Hulyo 13 ngadto 17, human sa mga adjustments sa ilang school calendar gumikan sa gitawag nga “health break”. (Jhon Tadlip)

(Source: DepEd Cebu City, photo courtesy by Janeth Tadlip-Bering)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -