Pormal nga gilusad sa Police Regional Office 7 (PRO7) uban ang Regional Advisory Group for Police Transformation and Development 7 (RAGPTD7) ang PRO7 & RAGPTD Cup 2025: Shoot for a Cause didto sa Cebu Wonderland Shooting Range, Barangay Agus, Lapu-Lapu City niadtong Agosto 22, 2025.
Kapin 160 ka team o labaw 800 ka partisipante gikan sa kapulisan ug shooting enthusiasts sa sibilyan ang misalmot sa tulo ka adlaw nga kompetisyon nga nagtinguha sa pagkolekta og pondo alang sa pagpalambo sa pasilidad sa PRO7.
Ang pagbukas sa kalihukan gipangulohan ni PBGen Redrico A. Maranan, Regional Director sa PRO7, uban ni Mr. Nelson Yuvallos, Chairman sa RAGPTD7, ug gitambungan usab ni Mr. Prudencio Gesta, Chairman Emeritus sa RAGPTD7 ug dating Chairman sa National Advisory Group (2017), kauban ang ubang mga chairperson sa advisory group.
Sumala ni PBGen Maranan, ang inisyatiba nakahan-ay sa programa ni PNP Chief, PGen Nicolas D. Torre III, nga nagpalig-on sa 5-Minute Response Time, Marksmanship, ug Physical Fitness.
Pinaagi sa kalihukan, gipakita sa PRO7 ang ilang paningkamot sa pagpasiugda sa disiplina, pisikal nga ka-andam ug pakigtambayayong sa mga stakeholders ug shooting associations aron mas mapalig-on ang kalinaw ug kaluwasan sa tibuok Central Visayas.
Source: PRO7
I via Renante Socia Lada