Gipahibalo sa Police Regional Office 7 (PRO7) nga generally peaceful ang pagsaulog sa Semana Santa 2025 sa Central Visayas, human kini milabay nga walay na rekord nga dagkong insidente o hulga sa seguridad gikan Abril 14 hangtod Abril 20.
Segon pa, minilyon ka mga deboto ang mitambong sa mga simbahan, pilgrimage sites, ug ubang pampublikong lugar aron mosalmot sa mga tradisyonal nga relihiyosong kalihokan. Ang malinawon nga dagan sa mga aktibidad usa ka ebidensya sa lig-on nga kooperasyon sa mga kapulisan, lokal nga mga lider, simbahan, ug katawhan.
Matod sa PRO7, nakatampo ang ilang hugot nga seguridad ug public safety plan sa malinawon nga kasaulogan sa tibuok rehiyon. Ilang gipakatap ang kapulisan sa mga simbahan, ruta sa mga prosisyon, bus ug port terminals, ug dagkong tourist spots. Gi-activate usab ang Police Assistance Desks ug Barangay Peacekeeping Units aron motabang ug mag-monitor sa mga lokal nga kalihokan.
Gipatuman usab ang crowd control ug traffic management aron malikayan ang kasamok ilabi na sa daghang tawo nga lugar sama sa Cebu City, Cebu Province, ug Tagbilaran.
Gipasidunggan sa PRO7 ang katawhan sa ilang disiplina, kooperasyon, ug pagka-alerto. Malinawon nga natapos ang tanang aktibidad sumala sa iskedyul ug mga safety advisory.
Sa iyang pamahayag, mipasalamat si PRO7 Regional Director PBGen Redrico Maranan sa tanang misalmot sa kalinaw ug kalampusan sa Semana Santa.
Gisiguro usab sa PRO7 nga magpadayon ang ilang paningkamot aron mapanalipdan ang sunod nga dagkong kalihokan ug masiguro ang kalinaw sa Central Visayas.
Source: PRO7- PIO
I via Renante Socia Lada
#rpndykccebu
#675hzamband
#mrpublicservice