Nasikop ang 19 ka mga suspetsado ug nasakmit ang kapin sa 377 ka gramos sa gituho-ang shabu nga nagkantidad og Php2,565,776.00, kana maoy nasakmit sa mga awtoridad sulod lang sa 24 ka oras nga sunod-sunod nga anti-drug operations gikan alas 6 sa buntag sa Abril 22 hangtod alas 6 sa buntag sa Abril 23, 2025.
Sa gipahigayon nga mga operasyon, upat (4) ka High-Value Individuals (HVI), napulo (10) ka Street-Level Individuals (SLI), ug lima (5) ka bag-ong nailhang drug personalities ang nadakpan.
Usa sa pinakadakong nga operasyon mao ang buy-bust operation nga gihimo sa Police Station 2 sa Cebu City Police Office diha sa Sitio Upper Carreta, Barangay Carreta, diin 200 gramos sa gituohang shabu nga nagkantidad og Php1,360,000.00 ang nasakmit.
Ang mga nadakpan karon gi kustodiya sa kapulisan ug pasakaan og kasong paglapas sa Comprehensive Dangerous Drugs Act of 2002.
Si Police Brigadier General Redrico A. Maranan, Regional Director sa PRO-7, misulti nga magpadayon ang ilang hugot nga kampanya batok sa illegal nga drogas.
Gipaningkamotan sa PRO-7 nga bungkagon ang mga drug network ug panalipdan ang katawhan sa Central Visayas. Nangayo usab sila og tabang sa publiko nga motaho dayon kung dunay kadudahang lihok sa ilang palibot.
Source: PRO7- PIO
I via Renante Socia Lada
#rpndykccebu
#675hzamband