Kapin P3.4 milyon ang kantidad sa gituohang shabu ang nasakmit sa kapulisan sa usa ka buy-bust operation nga gihimo sa Barangay Labangon, Cebu City, niadtong Abril 23, 2025, pasado alas 9: 45 sa gabii.
Gihimo ang maong operasyon sa mga sakop sa Police Station 10 sa Cebu City Police Office (CCPO), uban sa tabang sa Philippine Drug Enforcement Agency (PDEA) Region 7.
Nasikop ang usa ka 26-anyos nga lalaki nga giila nga usa ka High-Value Individual (HVI). Nakuha sa iyang position ang ebidensya nga pito (7) ka sachet sa gituhuang shabu. Kini adunay timbang nga 510 gramos nga nagkantidad og Php3,468,000.
Apil usab sa nasakmit ang usa ka P1,000 nga marked money ug usa ka itom nga sling bag nga gigamit sa pagdala sa ilegal nga drogas. Ang tanang ebidensya gipasaka na sa
Regional Forensic Unit 7 para sa laboratoryo nga eksaminasyon.
Ang suspetsado gikustudiya karon sa PS10 samtang giandam ang mga kaso nga ipasaka batok niya.
Gipasidunggan ni Police Regional Office 7 Director, PBGEN Redrico A. Maranan ang tanang sakop nga nalambigit sa operasyon.
Source: PRO7- PIO
I via Renante Socia Lada
#rpndykccebu
#675hzamband
