Mas gipakusgan sa Police Regional Office 7 (PRO7) ang ilang kampanya batok illigal nga sugal gikan Enero hangtod Nobyembre 2025, nga miresulta sa pagkasikop sa 3,991 ka suspetsado sa 2,596 ka operasyon sa tibuok Central Visayas.
Ubos sa pagpangulo ni Regional Director PBGEN Redrico A. Maranan, nagpadayon ang PRO7 sa ilang lig-on nga operasyon kontra sa kasagaran nga klase sa iligal nga sugal sa rehiyon. Pinakadaghan nga na-operasyunan mao ang number games nga adunay 1,807 ka operasyon, gisundan sa Cara y Cruz o “Hantak” nga adunay 352, ug iligal nga duwa sa baraha nga adunay 256 ka operasyon. Miabot usab sa ₱578,621 ang nakumpiskar nga kwarta nga pusta.
Nagpahimangno si PBGEN Maranan sa tanang operators ug bettors nga nagpadayon gihapon sa illigal nga sugal.
“Those who persist in operating or participating in illegal gambling should understand that PRO7 is determined to stamp out these activities. We will pursue every lead, conduct more operations, and file appropriate charges without hesitation. Illegal gambling destroys families, encourages criminal elements, and undermines community order. I urge everyone to stop now before the law catches up with you.”
Nag-awhag ang PRO7 sa publiko nga mosuporta sa kampanya pinaagi sa pagreport sa presensya sa illigal nga sugal sa ilang lugar. Gisaad sa PRO7 nga protektado ang identidad sa bisan kinsa nga motug-an samtang padayon nilang palig-onon ang anti-criminality programs sa Central Visayas.
Source: PRO7 PIO
I via Renante Socia Lada