Usa ka malampusong joint operation ang gipahigayon sa mga otoridad batok sa tanom nga marijuana nga nahimutang sa bukirang dapit sa Sitio Luna, Barangay Sudlon II, Cebu City, Biyernes, Abril 11, 2025.
Sumala sa Police Regional Office 7 (PRO7), nadiskobrehan sa mga otoridad ang 7,000 ka mga tanom sa marijuana nga gibana-bana nga nagkantidad og P1.5 milyon. Kini usa ka dakong kadaut sa operasyon sa ilegal nga drugas sa rehiyon.
Ang maong operasyon gilangkuban sa mga sakop sa Regional Police Drug Enforcement Unit, City Mobile Force Company, Cebu City Police Office (CCPO), Philippine Drug Enforcement Group Special Operations Group 7, Police Station 4 / PCP 12 sa CCPO, ug Philippine Drug Enforcement Agency (PDEA).
Matud pa sa mga otoridad, gipasiugda ang operasyon human sa pipila ka mga semana nga surveillance ug paghiusa sa mga kasayuran kabahin sa maing ilegal nga pagpananum og marijuana.
Ang plantasyon nahimutang sa lisud ug suok nga lugar, diin aduna kini saktong kuhaanan og tubig para mohimsog ang maong tanum.
Sa pamahayag ni PBGen Redrico Maranan, Regional Director sa PRO7, iyang giingon nga nagpamatud nga andam ang PRO-7 sa pagpuhag sa ilegal nga drugas aron mapanalipdan ang kumunidad sa kadaot niini.
Gipahibalo usab nga padayon ang imbestigasyon aron mailhan ug madakpan ang mga tawo nga may kalambigitan sa maong plantasyon.
Ang tanang tanom sa marijuana gibungkag ug gisunog dayon sa lugar, subay sa standard nga mga pamaagi.
Source: PRO7, PIO
I via Renante Socia Lada
#rpndykccebu