Nagmalampuson ang usa ka buy-bust operation nga gihimo sa mga sakop sa Parian Police Station 1, diin nadakpan ang usa ka high-value drug personality nga nailhan sa alyas nga ‘AMI’ ug nakumpiskar ang kapin 215 gramos sa gihinalaang shabu nga nagkantidad og ₱1,462,000.
Ang operasyon gipahigayon Abril 11, 2025, sa Sitio BSJCO, Barangay T. Padilla, Cebu City, pinaagi sa Station Drug Enforcement Unit sa Parian Police Station, ubos sa pagdumala ni PMAJ Marvin B. Fegarido.
Ang 45-anyos nga suspetsado nga taga-Barangay Fortaliza, Tuburan, Cebu, nadakpan sulod sa giplanong transaksiyon. Apil sa narekober nga ebidensiya mao ang buy-bust money ug usa ka sling bag.
Kasamtangan nga gitanggong ang suspetsado sa Parian Police Station 1 ug giandam na ang pagsang-at sa kaso batok kaniya ubos sa Sections 5 ug 11, Article II sa Republic Act 9165, o ang Comprehensive Dangerous Drugs Act of 2002. Ang tanang ebidensiya gipasa na sa Cebu City Forensic Unit para sa hugot nga pagsusi.
Sa pamahayag ni PCOL Enrico E. Figueroa, Acting City Director sa Cebu City Police Office (CCPO), iyang gipasidunggan ang malampusong nga operasyon ug gibutyag ang padayon nga paningkamot sa CCPO sa gubat batok sa ilegal nga drogas.
Ang maong operasyon kabahin sa nag unang programa ni PBGEN Redrico A. Maranan, Regional Director sa Police Regional Office 7, nga nagtinguha sa mas log- on nga presensya sa kapulisan, mas paspas nga pagresponde ug mas epektibong crime prevention strategies.
Source: CCPO
I via Renante Socia Lada
#rpndykccebu
