Nakabsan sa kinabuhi ang usa ka babaye nga paingon unta sa Cebu City Jail aron moduaw sa usa ka Person Deprived of Liberty (PDL), human kini gipusil samtang sakay sa habal-habal.
Ang biktima, giila nga si Glaiza Malabago Cabahug, hingkod ang edad ug residente sa Spolarium Street, Barangay Duljo-Fatima, Cebu City, nasangpit nga namatay pagkadala sa tambalanan.
Nahitabo ang pagpamusil pasado alas 9:46 sa buntag, Abril 11, 2025, sa Sityo Saint Anthony, Barangay Kalunasan, jail compound, dakbayan sa Sugbo.
Base sa imbestigasyon sa kapulisan, si Cabahug sakay sa habal-habal paingon sa presuhan sa dihang gisugat kini og mga bala sa wala damha. Naigo sa dughan ug lawas, nahagbong siya sa motor.
Nasayran nga nakasulti pa si Cabahug nga gipusil siya, hinungdan nga mitawag dayon sila sa kapulisan.Samtang ang drayber sa habal-habal nga gisakyan sa biktima mibiya dayon sa maong lugar.
Ang mga tanod sa Barangay Kalunasan maoy unang nakaresponde ug misuway og dala sa tambalanan sa biktima apan nakalas gyud kini.
Sa pagkakaron padayon ang imbestigasyon sa kapulisan arin matino kung unsay motibo sa krimin ug si kinsa ang responsabli niini.
I via Renante Socia Lada