Niresulta sa dakong kalampusan ang gipahigayon nga anti-criminality operations sa Police Regional Office 7 (PRO-7) gikan sa Mayo 11 hangtod 17, 2025, diin kapin ₱49 milyon nga kantidad sa ilegal nga drogas ang nasakmit ug 197 ka suspek ang nasikop.
Sa gipahigayon nga 76 ka anti-drug operations, 89 ka drug suspects ang nasikop ug 7,214.67 ka gramos sa gidudahang shabu ang nasakmit, nga nagkantidad og ₱49,059,756.
Gawas pa niini, ang kampanya batok sa ilegal nga armas misangpot sa pagkasikop sa 22 ka suspetsado ug pagkasakmit sa 30 ka armas de fuego ug 802 ka mga bala atol sa 24 ka operasyon.
Ang mga pulis nakadakop usab og 67 ka wanted persons, lakip ang 8 ka most wanted individuals, ug 19 ka suspek sa illegal gambling ang nasikop uban sa ₱5,240 nga bet money sa 17 ka operasyon.
PBGEN Redrico A. Maranan, Regional Director sa PRO-7, mipasidungog sa mga kapulisan sa ilang dedikasyon ug pagpatuman sa kahapsay ug kalinaw.
Source: PRO7- PIO
I via Renante Socia Lada