Usa ka malampusong operasyon ang nahimo sa Police Regional Office (PRO7) Sabado sa kadlawon, Marso 29, 2025, diin nakasakmit ang mga otoridad og ilegal nga drogas nga nagkantidad og ₱6.8 milyon.
Sa maong operasyon, nasakmit sa mga kapulisan ang 1 ka kilo sa methamphetamine hydrochloride o shabu, kauban ang buy-bust money ug usa ka backpack.
Nasikop usab ang usa ka 46-anyos nga high-profile drug suspect nga nailhang naglambigit sa ilegal nga drogas sa Sitio Tayud, Brgy. Basak, Cebu City.
Matod ni PBGen Redrico Maranan, Regional Director sa PRO7, nga ang maong kalampusan batok ginadiling drogas makatabang sa pagpakunhod sa supply sa ginadiling sa dakbayan.
“This successful intelligence-driven operation underscores the paramount importance of ongoing information gathering and proactive targeting of drug trafficking networks. We are intensifying our investigations to trace the source of these drugs and dismantle the network responsible for their distribution,” dugang ni PBGen. Maranan.
Ang nadakpan nga suspek mag-atubang og seryosong kaso ubos sa Republic Act 9165, ang Comprehensive Dangerous Drugs Act of 2002. (Renante Socia Lada)
(Source: PRO7- PIO)