Nagpadayon ang Police Regional Office 7 (PRO7) sa pagpanalipod ug pagpasiguro sa kalinaw sa Central Visayas human makab-ot ang dakong kalampusan sa usa ka semana nga intensified anti-criminality operations gikan Oktubre 5 hangtod 11, 2025. Sa operasyon, 399 ka tawo ang nadakpan ug ₱11 milyon ang kantidad sa nasakmit nga shabu, marijuana, pusil, ug bala.
Sumala ni PBGen. Redrico A. Maranan, Regional Director sa PRO7, dili lang numero ang resulta sa operasyon, apan simbolo kini sa ilang tinuod nga katuyoan.
Sa maong semana, 205 ka drug suspects ang nadakpan ug 1.6 kilo sa shabu ug marijuana ang nasakmit nga nagkantidad og ₱11,081,756. Gilauman usab ang 122 ka operasyon sa tracker teams nga nagresulta sa pagdakop sa 18 ka Most Wanted Persons ug 100 pa nga laing wanted individuals gikan sa lain-laing lebel sa rehiyon.
Sa kampanya batok sa iligal nga armas, 18 ka suspek ang nadakpan ug 28 ka pusil, usa ka eksplosibo, ug 54 ka bala ang nakumpiskar. Samtang sa operasyon batok sa iligal nga sugal, 58 ka tawo ang nadakpan nga nag-apil sa number games, card ug dice games, hantak ug tigbakay, diin ₱7,024 nga pusta ang nakumpiskar.
Gidayeg ni PBGen. Maranan ang tanang mga yunit sa rehiyon sa ilang pagpaningkamot ug mipasabot nga padayon ang PRO7 sa pagpanalipod sa katawhan ug sa kalinaw sa Central Visayas.
Source: PRO7- PIO
I via Renante Socia Lada