Nabungkag sa mga operatiba sa PDEA Bohol ug PNP ang usa ka drug den nga gipadagan sa amahan ug anak sa Barangay Cogon, Tagbilaran City, Bohol niadtong Oktubre 10, 2025.
Nadakpan sa operasyon ang anak nga nailhan sa alyas “Rey,” samtang ang iyang amahan nga si “Nini” nakalingkawas ug karon gilutos pa sa mga otoridad. Nadakpan usab ang duha ka bisita nga giingong naggamit og iligal nga drogas sa sulod sa balay.
Base sa balaod, ang pagdumala og drug den silotan og tibuok kinabuhing pagkapriso ug multa nga hangtod ₱10 milyon, samtang ang pagbisita o paggamit sulod niini silotan og hangtod 20 ka tuig nga pagkabilanggo ug multa nga ₱500,000.
Padayon ang PDEA sa Bohol sa ilang operasyon aron mapugngan ang pagpang-apod ug paggamit sa iligal nga drogas ubos sa kampanyang “Bagong PDEA para sa Bagong Pilipinas.”
Source: PDEA-7
I via Renante Socia Lada