Gisugdan na sa City Environment and Natural Resources Office (City ENRO) ang Pawikan Season human matala ang unang itloganan sa mga pawikan didto sa baybayon ning dakbayan sa dipolog ug gitukoran pensa isip pagbantay sa maong lugar aron maprotektahan ug malikayan ang kadaot sa mga itlog.
Mihangyo ang City ENRO sa mga katawhan nga dili hikapon o samokon ang mga pawikan nga nangitlog, paglikay paggamit ug hayag nga mga suga o flash nga makapahadlok sa mga pawikan. Gidili usab ang saba, pagtapok, ug pagkalkal sa mga itloganan ilabina nga kritikal karon ang panahon sa pagpangitlog sa pawikan
Gidasig ang mga komunidad na motabang pagpanalipod ug report sa ilang opisina kon adunay makita nga pawikan o itlog niini sa baybayon.
Samtang padayon gihapon ang panawagan sa City ENRO sa tanan nga suportahan ang kampanya sa pagpanalipod sa mga endangered species sama sa pawikan.(IKEN B. GULLEM)
Source: Zamboanga del Norte Provincial News Network