Aron maprotektahan ang tinud-anay ug limpyo nga eleksyon, ang Police Regional Office 7 (PRO7) mihimo og legal nga aksyon batok sa pito ka tawo nga nalambigit sa vote-buying sa probinsya sa Bohol ug Cebu.
Gikan Enero 12 hangtod Mayo 12, 2025, natala sa PRO7 ang pito ka kaso sa gituhuang vote-buying, upat sa Bohol ug tulo sa Cebu. Kini nga mga operasyon nahimo tungod sa tabang sa mga mulopyo nga dali mitaho sa ilang nakita. Tungod niini, dali nakalihok ang kapulisan ug nakapasaka og mga kaso.
Gidakop ang pito ka suspetsado sa mismong oras sa ilang pagbuhat sa kalapasan. Adunay lig-on nga ebidensya nga nagpakita sa ilang partisipasyon sa ilegal nga kalihokan sa eleksyon.
Ang mga nadakpan pasakaan og kaso ilawom sa Section 24(A) ug Section 26 sa COMELEC Resolution No. 11104, nga may kalambigitan sa Section 261(A) sa Batas Pambansa Blg. 881 o Omnibus Election Code.
Gihangyo usab sa PRO7 ang publiko nga magpadayon sa pagreport kung adunay makitang kalihokan nga may kalambigitan sa pagpamalit og boto.
Gidugang ni PBGen Maranan nga ang kalampusan sa operasyon nagpamatood nga ang pagbantay sa katawhan ug pagka aktibo sa kapulisan importante aron mapanalipdan ang demokrasya.
Source: PRO7-PIO
I via Renante Socia Lada