Gipahigayon ang send-off ceremony sa dul-an sa 500 ka security personnel karong adlawa, aron masiguro ang kaluwasan ug seguridad sa 2026 Central Visayas Regional Athletic Association (CVIRAA) Meet nga magpadayon gikan Marso 22 hangtod 28, 2026 sa Dakbayan sa Naga, Cebu.
Ang deployment naglangkob sa seguridad sa mga sports venues ug billeting areas sa mga partisipante aron maprotektahan ang mga atleta, coaches, ug delegates sa tibuok semana nga sports event.
Nagtukod usab og Police Assistance Desks (PADs) sa mga estratehikong lugar aron dali nga matabangan sa police assistance ug mapadayon ang kalinaw ug kahapsay.
Ang security team dili lang gikan sa Police Regional Office 7 apan kauban usab ang Armed Forces of the Philippines, Philippine Army, Philippine Coast Guard, ug Disaster Risk Reduction and Management Offices, aron masiguro ang hiniusa ug kompleto nga seguridad para sa regional sports meet.
Ang tema sa CVIRAA Meet karong tuiga mao ang “United in Sports” ug kini adunay “New Look” edition nga naglangkob sa 12 ka school divisions human na-transfer ang walo ngadto sa bag-ong Negros Island Region.
Ang major events sama sa swimming, athletics, ug badminton ipahigayon sa Cebu City Sports Center ug lain-laing sports facilities sa Naga City.
Gipasiugda ni Police Brigadier General Redrico A. Maranan, Regional Director sa PRO7, ang dedikasyon sa security forces sa pagpanalipod sa mga atleta ug partisipante.
Gidani usab sa PRO7 ang publiko nga mokooperar ug suportahan ang CVIRAA Meet samtang ang Central Visayas nag-host sa usa sa pinakadakong sporting events para sa mga student-athletes sa rehiyon.
Source: PRO7 PIO
I via Renante Socia Lada