Aron mapakita ang ka-andam ug katakos sa kapulisan sa Central Visayas kung adunay emerhensya, gipahigayon sa Police Regional Office 7 ang sunod-sunod nga surprise simulation exercises nga gitumong sa pagpatuman sa 5-minute response policy ni PNP Chief PGEN Nicolas D. Torre III. Ang maong mga kalihokan kabahin usab sa preparasyon para sa nationwide launch sa 911 emergency hotline.
Nagsugod ang simulation niadtong Hunyo 10, alas 10 sa gabii, dihang si PBGEN Redrico A. Maranan, Regional Director sa PRO7, personal nga misusi sa unang senaryo nga gihimo sa Summit Galleria Hotel, Cebu City. Usa sa mga security personnel sa maong hotel ang miakto isip 911 caller nga nagtaho na adunay armadong lalaki sulod sa hotel. Ang mga pulis nga mitubag miabot sulod lang sa 3 minutos ug 5 segundos.
Pagka alas 10:30 sa gabii, gisunod ang ikaduhang senaryo sa Shell Gasoline Station, Lapu-Lapu City, diin gi-report sa cashier ang usa ka hubog nga tawo nga nagbinuang ug agresibo ang lihok. 2 minutos ug 30 segundos lang ang gilungtad sa pag-abot sa kapulisan.
Sa sunod nga buntag, Hunyo 11, alas 9:30, gibuhat ang ikatulong senaryo sa Phoenix Gasoline Station, Cebu City, diin usa ka concerned citizen ang mi-report nga adunay tulisan. Miabot ang response team sulod lang sa 3 minutos ug 55 segundos.
“These exercises demonstrate not only the capability but also the unwavering commitment of every PRO7 personnel to deliver swift and effective police response whenever and wherever they are needed,” segon ni PBGEN Maranan.
“Our performance reflects our strong support to the program of our Chief PNP, PGEN Nicolas D. Torre III, in building a truly responsive, reliable, and trusted police service for every Filipino,” dugang niya.
Gipasidunggan usab ni PBGEN Maranan ang mga nitubag nga sakop sa kapulisan tungod sa ilang pagkahanas, disiplina, ug kusog nga koordinasyon. Gipamimug-atan niya nga matag segundo nga masalbar sa emerhensya makaluwas og kinabuhi ug makapugong sa krimen.
Pinaagi sa maong kalampusan, napamatud-an sa Police Regional Office 7 nga andam sila motubag sa emerhensya sulod sa lima ka minuto o labaw pa niini.
Source: PRO7
I via Renante Socia Lada