Usa ka bag-ong dakong kalampusan ang napatuman sa Police Regional Office 7 (PRO7) ilawom sa pagpangulo ni Regional Director PBGEN Redrico A. Maranan, human gi-inaugurate ang Patnubay Lounge ug Makatao Firing Range niadtong Hulyo 4, 2025 sa PC Hills, Apas, Cebu City.
Gipangulohan sa mga opisyal sa PRO7 Command Group, Regional Staff, mga Provincial ug City Directors, ug mga Range Safety Officers ang maong kalihokan. Ang pagbukas sa mga pasilidad nagpakita sa paningkamot sa PRO7 nga mapalambo ang disiplina ug kahimtang sa ilang mga sakop, ilabina sa ilang kahimtang sa operasyon ug seguridad.
Ang Makatao Firing Range usa ka lugar nga gitukod alang sa mas epektibong pagbansay sa tukmang paggamit sa armas. Nagpasabot kini sa kaandam, kahibalo ug kahanas sa mga kapulisan. Samtang ang Patnubay Lounge usa ka lugar nga pahulayan sa mga personnel—usa ka dapit sa pagpahimulos sa kalinaw, pagsinabtanay, ug pagpangandam balik sa serbisyo publiko.
Sa seremonya, gipailaila ang opisyal nga marker sa duha ka pasilidad ug gisundan kini sa usa ka ceremonial shoot nga gipangulohan mismo ni PBGEN Maranan uban sa iyang mga kauban sa command group.
Sa iyang mensahe, gipahimug-atan ni PBGEN Maranan ang kamahinungdanon sa modernong mga estruktura sa pag-andam sa kapulisan sa mga hagit sa panahon:
“We do not just inaugurate a vision—one of a police force that is not only committed but equipped, not only responsive but prepared. The Makatao Firing Range is a symbol of our discipline, readiness, and commitment to protect and serve with precision. The Patnubay Lounge, on the other hand, serves as a space for our personnel to recharge and be reminded that service with compassion and integrity begins from within. Let these facilities inspire us to train harder, serve better, and uphold the highest standards of public service.”
Ang pagbukas sa Patnubay Lounge ug Makatao Firing Range usa ka dakong lakang padulong sa mas propesyonal ug preparadong PRO7 alang sa katawhang Pilipino.
Source: PRO7
| via Renante Socia Lada