Usa ka lalaki ang nakit-ang patay sa baybayon sa Quirino North, Barangay Tabunok, lungsod sa Tabuelan, Sugbo, pasado ala 1:30 sa hapon niadtong Hulyo 4, 2025.
Sumala ni PSMS Gilbert Allego sa Tabuelan Police Station, ang mga residente sa lugar maoy unang nakakaplag sa lawas ug dayong nitaho sa kapulisan. Gibana-banang mga 50-anyos ang panuigon sa biktima, apan hangtod karon wala pa kini mailhi.
Base sa inisyal nga imbestigasyon, wala usab kini nakitaang samad o timailhan nga giatake, hinungdan nga gituohang natural nga hinungdan ang iyang kamatayon. Gipahibalo sa kapulisan nga ipaubos sa autopsy ang lawas aron masuta gyud ang tinood nga hinungdan sa kamatayon, kung adunay tagtungod nga motungha sa buhatan.
| via Renante Socia Lada