Gipasiugda sa Police Regional Office 7 (PRO7) ang kamahinungdanon sa husto ug propesyonal nga kriminal nga imbestigasyon atol sa graduation ceremony sa Criminal Investigation Course (CIC) Classes 1179-2025 ug 1180-2025 niadtong Disyembre 22, 2025 sa Camp Sergio Osmeña Sr., Cebu City.
Natapos sa mga graduates ang 35 ka adlaw nga CIC training nga nagtumong sa pagpalig-on sa ilang abilidad sa imbestigasyon, husto nga pag-andam sa kaso, ug etikal nga pagserbisyo. Ang maong kurso gitambongan sa mga personnel gikan sa PNP PRO7, Philippine Army, Philippine Coast Guard, BJMP, ug Philippine Air Force, nga nagpakita sa lig-on nga panagtinabangay sa nagkadaiyang ahensya.
Sa kinatibuk-an, 110 ka partisipante ang malampusong nakatapos sa programa, lakip ang 98 ka Police Non-Commissioned Officers sa PRO7 ug mga representante gikan sa PCG, Army, BJMP, ug Air Force. Ang training gipahigayon sa Regional Investigation and Detective Management Division (RIDMD) nga nakatutok sa propesyonal ug etikal nga pagdumala sa mga kaso.
Sa iyang mensahe, giingon ni PBGEN Redrico A. Maranan, Regional Director sa PRO7, nga ang hustisya dili makab-ot pinaagi lang sa kusog, kondili pinaagi sa pasensya, disiplina, ug kahibalo. Iyang gipasiugda nga ang kriminal nga imbestigasyon usa ka importante nga kahibalo nga angay maangkon sa tanang pulis, bisan asa man sila ma assign.
Gitapos ni Maranan ang iyang mensahe pinaagi sa pagdasig sa mga CIC graduates nga ipraktis dayon ang ilang nakat-unan, unahon ang kalidad sa kaso kaysa kadaghanon, ug ipadayon ang integridad ug propesyonalismo aron mapalig-on ang pagsalig sa katawhan ug masiguro nga ang hustisya matagamtaman sa tanang Pilipino.
Source: PRO7 PIO
I via Renante Socia Lada
#rpndykccebu
#675hzamband
#tandemexpress