Naghimo og emergency meeting ang Police Regional Office 7 (PRO7) niadtong hapon sa Disyembre 22, 2025 sa PRO7 Conference Room sa Cebu City aron hisgutan ang mga pagpangandam ug lakang sa seguridad alang sa Sinulog Festival 2026 ug sa umaabot nga mga kalihokan nga may kalabotan sa ASEAN.
Gitambongan ang maong tigum sa Officer-in-Charge sa Cebu City Police Office (CCPO), PCOL George V. Ylanan, ug gipangulohan ni PBGEN Redrico A. Maranan, Regional Director sa PRO7. Mitambong usab ang mga Provincial Directors, City Directors, ug mga miyembro sa regional staff aron maghisgot sa operational readiness ug koordinasyon sa seguridad.
Atol sa meeting, gipresentar ni PCOL Ylanan ang detalyadong plano sa CCPO para sa Sinulog Festival 2026. Lakip niini ang plano sa deployment sa kapulisan, security coverage, manpower distribution, ug pagbahin sa area of responsibility sa matag yunit.
Gipasiugda usab ang husto nga pagpwesto sa mga kapulisan, paggamit sa force multipliers, pagtukod og command posts ug quick reaction teams, ug lig-on nga koordinasyon sa ubang law enforcement agencies, local government units, ug mga kaabag nga stakeholders.
Tumong sa tanang lakang nga masiguro ang maayong crowd control, hustong pagdumala sa trapiko, paspas nga responde sa emerhensiya, ug pagmintinar sa kalinaw ug kahapsay atol sa Sinulog ug sa mga ASEAN-related activities.
Padayon ang pasalig sa Cebu City Police Office nga masiguro ang kaluwasan sa tanang lumulupyo, deboto, ug bisita sa dakbayan.
Source: PRO7 PIO
I via Renante Socia Lada
#rpndykccebu
#675hzamband
#tandemexpress