Nibisita si Police Regional Office 7 Acting Regional Director PBGEN Arnold E. Abad sa haya sa namatay nga pulis nga si Patrolman Lolito C. Clarin sa Bogo City kagahapon Mayo 28, 2026 aron personal nga ipadayag ang iyang pahasubo ug suporta sa pamilya sa namatay.
Atol sa iyang pagbisita, gihatagan ni PBGEN Abad og moral ug pinansyal nga tabang ang pamilya ni Patrolman Clarin isip pagpasidungog sa serbisyo ug sakripisyo niini alang sa komunidad ug nasud.
Matod pa sa PRO7, ang maong pagbisita simbolo sa pagpakita sa suporta sa kapulisan ngadto sa matag pamilya sa pulis, dili lamang sa panahon sa kalampusan kondili labi na sa panahon sa kasubo ug pagkawala sa minahal sa kinabuhi.
Gipasiguro usab ni PBGEN Abad sa pamilya nga magpabilin nga kauban nila ang organisasyon sa pag-ampo ug suporta samtang nagbangotan sila sa pagkawala sa ilang mahal sa kinabuhi.
I via Renante Socia Lada