Usa ka dako nga kalampusan sa seguridad ug kalinaw ang naangkon sa Police Regional Office 7 (PRO7) ilawom sa pagdumala ni Police Brigadier General Redrico A. Maranan, human kini makarekord og 76.92% nga pagkunhod sa krimen panahon sa 2025 midterm elections.
Base sa datos sa PNP Crime Information, Reporting and Analysis System (CIRAS) hangtod Mayo 15, 2025, mikunhod ang total nga insidente sa krimen gikan sa 192 niadtong 2019 ngadto sa 55 karong tuiga, usa ka 71.35% nga pagkunhod.
Ang mga krimen gibahin sa duha ka matang:
Peace and Order Indicator (POI): Mga seryosong krimen sama sa pagpatay, pagpangawat, ug panamastamas. Gikan sa 109 ka kaso niadtong 2019, nahimong 31 na lang karong 2025.
Public Safety Indicator (PSI): Mga insidente nga dili krimen sama sa disgrasya sa dalan. Gikan sa 83, nahimong 24 na lang.
Ang maong kalampusan gipasidungog sa mga lakang nga gihimo sa PRO7, sama sa: Full deployment sa mga pulis sa tanang voting precincts, gamit sa teknolohiya ug surveillance, paglihok sa regional command ug monitoring centers, koordinasyon sa COMELEC, AFP, LGU, ug komunidad.
Matod ni PBGen Maranan, ang dako nga pagkunhod sa krimen nagpakita nga epektibo ang pamaagi ug suporta sa katawhan. Sa giya usab sa Chief PNP nga si Police General Rommel Francisco D. Marbil, nahimo ang usa malinawon ug hapsay nga piniliay 2025.
Sa adlaw mismo sa eleksyon, unom (6) ra ka index crimes ang natala, itandi sa 26 ka kaso sa 2019.
Bisan humana ang eleksyon, nagpabilin gihapon ang PRO7 sa alerto aron maseguro ang kalinaw ug kasigurohan sa Central Visayas.
Source: PRO7-PIO
I via Renante Socia Lada
#rpndykccebu