Usa ka lalaki nga nagsakay sa motorsiklo ang namatay human kini masangit ug malatayan sa truck sa national highway sa Barangay Tungha-an, lungsod sa Minglanilla, pasado alas-8 sa gabii, Mayo 17, 2025.
Base sa inisyal nga imbestigasyon, ang biktima nga gidudahang si Glemar G. Nunez, usa ka warehouse assistant sa usa ka kompanya sa Mandaue, nasangit sa ligid sa truck human matumba ang iyang motorsiklo.
Ang drayber sa truck, nga giila nga si Eric Flores, 38 anyos, taga Barangay Jaclupan, Talisay City, miingon nga padulong unta sila sa Inayagan aron mangaon sa iyang asawa.
Matud ni Flores, nakadungog siya og kalit nga pagbuto sa unahan sa ilang truck ug dihang iyang gitan-aw, didto na niya nakita ang motorsiklo ug ang biktima nga nasangit ilawm. Misulay pa siya og preno, apan tungog sa grabeng kahimtang, wala na niya malikayi ang insidente.
Adunay testigong misulti nga naslide ang motorsiklo, hinungdan nga nalagpot kini paingon sa atubangan sa truck.
Si Flores kasamtangang gitanggong sa kapulisan sa Minglanilla samtang gihulat pa ang opisyal nga pag-ila sa biktima ug dugang imbestigasyon sa hitabo.
Nagpadayon ang awtoridad sa pagpangita og dugang testigo aron mas masayran ang tinuod nga panghitabo.
I vis Renante Socia Lada