Human sa nahitabo nga insidente sa San Jose National High School, ang Police Regional Office 8 (PRO-8) ug ang Department of Education (DepEd) nagpahigayon og koordinasyon nga tigum aron sa dali nga pagpatuman sa mga lakang para sa kaluwasan sa mga estudyante ug school personnel.
Giingon ni PCOL MATTHE L. ASEO, Acting Deputy Regional Director for Operations sa PRO-8, nga duna silay hiniusang plano uban sa DepEd aron mapalig-on ang seguridad sulod sa mga eskwelahan. Lakip niini ang pag-ayo sa mga security measures ug pagpalig-on sa pagbantay aron malikayan ang susamang insidente sa umaabot.
Ang PRO-8 magpadayon usab sa koordinasyon sa mga ahensya sa gobyerno, mga lokal nga panggamhanan, ug mga eskwelahan aron masiguro nga hapsay ug luwas ang palibot sa mga estudyante ug mga magtutudlo.
Gipasalig sa mga otoridad nga ang tanang lakang himuon uyon sa balaod ug sa child protection policies aron maprotektahan ang katungod ug kaayohan sa mga bata sa eskwelahan.
I via Renante Socia Lada