Padayon nga gipalig-on sa Police Regional Office 8 (PRO-8) ang mga lakang sa seguridad sa tibuok Eastern Visayas aron maseguro ang kalinaw ug kaluwasan sa katawhan.
Sumala sa PRO-8, ilang giintensify ang police visibility pinaagi sa mas kanunay nga pagpatrolya sa mga dalan, komunidad, ug mga lugar nga kasagarang matawhan. Kini aron mapugngan ang posibleng krimen ug makahatag og paspas nga responde kung adunay insidente.
Gipasalig usab sa kapulisan ang lig-on nga koordinasyon sa mga lokal nga opisyal ug mga stakeholders sa matag lugar. Pinaagi niini, mas mapadali ang pag-ila ug pagresolbar sa mga isyu sa seguridad sa komunidad.
Gidasig sa PRO-8 ang publiko nga aktibong moapil sa pagpanalipod sa kalinaw pinaagi sa pagbantay, kooperasyon, ug pagreport sa mga kahimtang nga makapahimulos sa krimen.
Giingon nila nga dako ang papel sa katawhan sa pagmintinar sa luwas nga palibot.
Gi-awhag sa PRO-8 nga pinaagi sa panagtinabangay sa pulis ug sa komunidad, mas mapalambo ang usa ka luwas, malinawon, ug mas lig-on nga Eastern Visayas alang sa tanan.
I via Renante Socia Lada