Nasakmit sa mga awtoridad ang 825 gramos nga shabu nga nagkantidad og ₱5.6 milyon atol sa usa ka buy-bust operation sa Barangay Mantuyong, Mandaue City, Pebrero 20, 2025, sa alas 12:36 sa kadlawon.
Ang operasyong gipangunahan sa PNP Drug Enforcement Unit Special Operations Unit, uban sa Mandaue City Police Station 1, Mandaue City Police Office (MCPO), Philippine Drug Enforcement Agency 7 (PDEA-7), ug Regional Intelligence Unit 7 (RIU-7), misangpot sa pagkasikop sa usa ka 43-anyos nga suspek.
Ang narekober nga shabu anaa na karon sa Regional Forensic Unit 7 sa Sudlon, Lahug, Cebu City alang sa laboratory examination. Samtang ang nadakpan nga suspek kasamtangang gitanggong sa kapulisan samtang giandam ang mga dokumento alang sa pagsaka og kaso sa City Prosecutor’s Office.
Si PBGen Redrico Maranan, PRO7 Regional Director, mipadayag nga ang maong operasyon usa ka pagpamatuod sa walay puas nga paningkamot sa mga kapulisan, ug mapakgang ang padayon nga pagkuyanap sa ginadiling drugas.
Source: PRO7-PIO
I via Renante Socia Lada