Usa ka 70-anyos nga lalaki ang nadakpan sa kapulisan human matumbok nga siya ang responsable sa pagtigbas ug pagpusil sa iyang asawa sa Sitio Lower Bagdok, Barangay Sagay sa Toledo City kagabii sa alas 8:00 sa Pebrero 19, 2025.
Ang suspek napailhan nga si Rodrigo Fajardo Guarin Sr., samtang ang biktima mao si Marcelina Piala Guarin, 65-anyos ug iyang kapikas sa kinabuhi.
Sumala sa imbestigasyon sa kapulisan, nagsugod ang insidente tungod sa panaglalis sa panimalay sa igsuon sa biktima. Nagduda ug nagselos ang suspek sa iyang asawa, hinungdan nga nalagot kini og maayo.
Tungod sa kasuko, mibiya dayon ang suspek, miadto sa ilang balay, ug gikuha ang iyang .38 revolver ug pinuti. Pagbalik, iyang gipusil ug gitigbas ang asawa nga kritikal ang kahimtang.
Ang suspek mag atubang og kasong Frustrated Parricide in Relation to RA 9262 (Anti-Violence Against Women and Their Children Act) ug COMELEC Gun Ban.
I via Renante Socia Lada