Gipadad-an og subpoena sa National Bureau of Investigation (NBI) si Cebu Gubernatorial Aspirant Pamela “Pam” Baricuatro tungod sa kaso nga Cyberlibel nga gisang-at batok kaniya ni Cebu Governor Gwendolyn “Gwen” Garcia.
Ang maong dokumento pinitsahan og Pebrero 17, 2025 ug gipadala ngadto kang Baricuatro aron tubagon ang mga alegasyon batok kaniya, kagahapong adlawa, Pebrero 20, 2025.
Sa iyang reaksyon, gihulagway kini ni Baricuatro isip usa ka political persecution, ilabi na kay mi-atbang siya kang incumbent Governor Gwen Garcia sa umaabot nga Mayo 2025 Elections.
Padayon pang gimonitor ang maong kaso samtang nagpaabot sa tubag ni Baricuatro sa subpoena nga gipagawas sa NBI.
I via Renante Socia Lada