Cebu City – Gipangayo sa kagamhanan sa Syudad sa Sugbo nga moluwat ug cease and desist order ang Department of Environment and Natural Resources (DENR) ngadto sa pribadong kompaniya kinsa gipasanginlan nga mi reclaim sa mangrove swamp sa bukana sa Bulacao River sa syudad sa Sugbo nga giingong walay pagtugot gikan sa goberno.
Matod ni Atty Gerardo Carillo, chairman sa Cebu City Disaster Risk Reduction and Management Council (CCDRRMC), nga ilang gi inspect ang area isip kabahin sa programa sa syudad sa nga “gubat sa baha”, apan na surprisa sila sa ilang nasuta nga wala nay mga mangrove trees sa lugar.
Nagkanayon si Carillo nga mokabat ug 20 ka hektaryas sa lugar nga dunay mga bakhaw ang giingong illegal nga gi reclaim sa usa ka kompaniya nga nag operate ug mall chain sa nasud.
Sa meeting tali sa DENR niadtong Martes, sigon pa ni Carillo nga mi uyon na ang DENR oag issue ug cease and desist order ug pagpahigayon ug dugang imbestigasyon labot sa issue.
Dugang niini nga ang imbestigasyon mo susi kung kanus-a gisugdan ang reclamation ug nganong wala dayon masayri sa City Government ang destruction sa mangrove area.
“Mao nay entrance sa river, and sa una mangrove forest na. Karon amoang gi adto kay amoa unta palapdan ang bukana. Gi reclaim naman diay,” pahibaw ni Carillo.
Sigon pa sa opisyal nga ilang gihangyo ang DENR pag imbestiga kun nganong naka panag-iya ang ang private entity ug luna nga gikinahanglan man unta kini nga protektahan gumikan sa mga tanom nga mangroves.
Tungod sa giingong reclamation, gipahibaw ni Carillo nga ang natural flow sa tubig ma-alihan atol sa kusug nga bunok sa uwan, nga maka mugna ug pagbaha.
Kasong Kriminal
Gisaway ni City consultant ug kanhi environmental secretary Roy Cimatu ang DENR atol sa tigom gumikan sa nakita niini nga wala ma maayo pagbuhat sa ilang trabaho, sigon sa pahibaw ni Carillo.
Gidugang ni Carillo nga ang DENR naghisgot nga mopasaka ug karsong kriminal batok sa private entity gumikan sa kalapasan sa environmental laews.
“Are we (just) going to see as they continue destroying our mangroves nga wala tay gi himo (without doing anything)? So that is my question,” mensahi sa opisyal.
Gipaabot pa ang pamahayag sa DENR Central Visayas labot niini.
Ning bag-o, gipahibaw ni Carillo nga nakapahigayon kini ug tagging sa mokabat 4,000 ka mga structures nga giinging nakalapas sa three-meter easement sa dagkong waterways sa syudad.
Ang pag tagging sa mga structures suma pa ni Carillo, maoy unang lakang sa dili pa ang clearing operations alang sa pagbawi sa easement zones isip measure sa pag mitigate sa problema sa baha sa syudad.
Pinasubay ang lakang sa syudad ubos sa Article 51 of Presidential Decree 1067, o ang Water Code of the Philippines. Jhon Tadlip
Source: Cebu City Disaster Risk Reduction Management Council
Photo: Gerry Carillo’s FB
Tags: CCDRRMC, DENR 7, illegal reclamation, 20 hectares, mangrove areas
