Gidayeg ni Police Regional Office 12 Regional Director Jimili Macaraeg ang iyang mga sakop human sa malampuson nga operasyon batok marijuana sa bahin sa Tri-Boundary sa Tupi, South Cotabato, Malungon, Saranggani Province ug Kiblawan, Davao Del Sur on October 15, 2022.
Nasayran nga nagpadayon ug mas gipakusgan pa sa kapulisan sa Rehiyon 12 ang ilang anti-illegal drug operations kung asa niadtong Oktubre 15, usa ka joint operation ang gihimo sa RID 12 Tracker Team Charlie; Special Operation Unit 12; Regional Philippine Drug Enforcement Unit 12; Provincial Police Drug Enforcement Unit; South Cotabato Provincial Intelligence Unit; 1205th Maneuver Company, RMFB; Tupi MPS ug 3rd Platoon Base, 5th Special Force Coy, Special Force Battalion, nga miresulta sa malampusong napang-ibot ang 11,500 ka punuan sa fully-grown Marijuana nga gibana-banaang anaa sa ₱ 2,300,000.00 sa maong lugar.
Human naibot ang ubay-ubayng punuan sa marijuana, gilayon kining gisunog sa kapulisan ug gi-spray-han ug herbicides ang kapin kon kulang 8000 sqm land area aron nga mapugngan ang pagtubo sa mga na ngahulog nga liso sa Marijuana.
Sumala ni RD Macaraeg nga iyang gi-congratulate ug gipasalamatan ang tanang sakop sa kapulisan nga nagpahigayon sa maong operasyon gumikan usa matud pa kini ka dakong accomplishment sa ilang kampanya batok iligal nga droga.
(Source: PRO-12 Facebook page)