Mubisita si President Ferdinand “Bongbong” Marcos Jr. sa Cebu karong Biyernes, Nobyembre 7, aron personal nga tan-awon ang mga lugar nga grabe nga nadaot sa pag-igo ni Bagyong Tino (Kalmaegi).
Kumpirmado kini ni DPWH Secretary Vince Dizon niadtong Miyerkules, Nobyembre 5, ang pagbisita ni PBBM sa Sugbo.
Si Dizon misulti nga ang pagbisita ni Marcos usa ka timailhan nga gihatagan gyud ug prioridad sa Presidente ang pagpabangon balik sa Cebu human sa dakong kalamidad.
Sa sinugdan, giplano nga si Marcos mao untay mangulo sa inauguration sa Cebu Bus Rapid Transit (BRT) sa Cebu City, apan gipahimutang kini nga ipospone tungod sa kadaut nga dala sa bagyo.
Si Dizon, nga anaa sa Cebu aron tan-awon ang kadaut, miingon nga grabe ang epekto sa bagyo ilabi na sa Metro Cebu, diin ang walay hunong nga ulan nakamugna sa dakong pagbaha ug nga mikalas og daghang kimabuhi.
Gipasabot pa ni Dizon nga gisugo sila sa Presidente nga mag-una sa lugar aron ma-assess ang kahimtang ug mahatagan dayon ug ayuda ang mga biktima.
I via Renante Socia Lada