Mas napalambo karon ang serbisyo medikal sa Rural Health Unit (RHU) sa Godod human kini na-instalaran ug Provision of Mobile Service for Internet Liberty (PMSIL) nga proyekto sa Department of Information and Communications Technology (DICT) Zamboanga del Norte – FPIAP team.
Gihatagan ug libre, lig-on, ug paspas nga internet koneksyon ang RHU, nga nagpasabot ug mas episyente nga operasyon, mas paspas nga paghatag ug healthcare services, ug mas empowered nga frontline health workers sa pagserbisyo sa katawhan.
Sumala sa DICT, ang PMSIL nga proyekto usa ka tin-aw nga pamatuod sa ilang padayon nga paningkamot sa paghatag ug parehas nga kahigayunan nga makagamit ug internet ug teknolohiya, ilabina sa sektor sa pampublikong kahimsog diin ang teknolohiya dako kaayong gikatabang sa pagpausbaw sa kalidad sa serbisyo.
Ang lokal nga pangagamhanan sa Godod nagpasalamat sa maong inisyatiba nga gilauman makatabang sa paghatod ug mas paspas, mas klaro, ug mas adunahan nga serbisyo para sa tanan.(IKEN B. GULLEM)