Gitudlo ni Pope Leo XIV ang labing halangdong Alberto “Abet” S. Uy isip bag-ong Arsobispo sa Sugbo, human sa opisyal nga pagretiro ni Archbishop Jose S. Palma. Ang maong appointment gipahibalo pinaagi sa Vatican Daily Bulletin.
Si Archbishop Abet Uy usa ka lumad nga taga-Ubay, Bohol. Mihuman siya og Pilosopiya sa Immaculate Heart of Mary Seminary sa Tagbilaran, ug Theolohiya sa St. John Mary Vianney Theological Seminary sa Cagayan de Oro. Nakaangkon usab siya og Doctorate in Sacred Theology sa Pontifical Gregorian University sa Roma.
Niadtong 2016, gitudlo siya ni Pope Francis isip Bishop sa Tagbilaran. Sukad niadto, nailhan siya sa iyang kusog nga panawagan alang sa pag-amuma sa kalikupan ug pagpangga sa mga kabus ug mga marginalized nga sektor sa katilingban.
Gipasidunggan ug mainitong gidawat sa lokal nga simbahan ug katawhan sa Sugbo si Archbishop Abet Uy. Giingon nga iyang ipadayon ang espirituwal nga paggiya ug mga misyon sa simbahan uban sa dakong gugma ug pag-alagad.
Source: ArchDiocese of Cebu
I via Renante Socia Lada