Malampuson ang gihimo nga anti ilegal drug operation sa Police Regional Office 7 batok sa nagpalusot sa ginadiling drugas, ang bag-ohay lang nga anti-drug operation sa Liloan, Cebu, nisangpot sa pagkasakmit sa kapin sa usa ka kilo sa ilegal nga drugas nga mobalor og PhP7.1 milyones ug pagkasikop sa usa ka high-profile drug target.
Ang operasyon maoy hiniusang paningkamot nga gipangulohan sa Provincial Intelligence Unit ug Provincial Drug Enforcement Unit sa Cebu Police Provincial Office (CPPO), uban sa suporta sa Liloan Municipal Police Station ug Philippine Drug Enforcement Agency 7.
Didto kini nahitabo sa Purok 2 , Brgy. San Vicente, Liloan, Cebu, mga alas 10:30 sa gabii niadtong Nobyembre 11, 2024. Ang maong operasyon niresulta sa pagkasikop sa 44-anyos nga high-profile drug suspect ug nasakmit ang 1,050 gramos nga ilegal nga drugas, nga adunay standard drug price value nga PhP7,140,000. Dugang pa, nakuha ang buy-bust money ug uban pang ebidensiya.
Ang suspek nag-establisar sa iyang kaugalingon isip key player sa illegal drug trade, nag-operate ilabina sa amihanang bahin sa Sugbo, lakip ang Consolacion ug Davao City. Maka-dispose siya og usa ka kilo sa illegal nga drugas matag semana.
Gipasiugda ni PRO-7 Director PBGEN ANTHONY ABERIN ang kamahinungdanon sa padayon nga pagtinabangay sa pagsumpo sa mga kriminal nga aktibidad sa Rehiyon 7.
“We will continue to elevate our efforts against criminal activities, particularly illegal drugs. We must remain relentless in our pursuit of public safety and pay careful attention to detail. By going back to our core mission, we can better serve the people of Central Visayas,” dugang pa ni PBGen. Aberin.
Ang suspek anaa na karon sa kustodiya sa Liloan Municipal Police Station. Giandam na sa mga otoridad ang pagpasaka og kaso batok sa suspetsado tungod sa kalapasan sa section 5 ug 11 sa Republic Act 9165. (Renante Socia Lada)
(Source: PRO-7 PIO)