Hilak ug dangoyngoy ang gibati sa usa ka bata human natusok ang mata niini sa kabilya, nahitabo kini kagahapon sa buntag Nobiyembre 12, 2024, didto sa Sitio Sto. Niño, Brgy. Apas, Dakbayan sa Sugbo.
Ang biktima nga tinun-ang lalaki nagpanuigon og 10-anyos, residenti rapud sa naasoy nga lugar.
Sa imbestigasyon sa kapulisan nasayran nga ang maong bata paingon sa tunghaan nga naigo sa taas nga kaabilya ang iyang mata.
Ang mga sakop sa Apas Emergency Response Team ug Cebu City Rescue Squad dali ni respondi sa maong aksidenti og nidala sa tambalanan .
Ang mga ginikanan sa maong bata nabalaka pag ayo ug nahadlok na basin mabuta ang ilang anak gumikan sa pagkatusok niini sa kabilya sa iyang mata, samtang sa pagkakaron gihimo pa usab ang dugang imbestigasyon kalabot s amaong aksidenti.