Patay ang usa ka motorsiklista human mabangga ang iyang gimanehong motorsiklo sa luyo nga bahin sa usa ka pick-up sa Tabunok Flyover, southbound, alas-10:40 sa buntag Hunyo 26, 2026.
Base sa inisyal nga impormasyon gikan sa CT-TODA, kusog kuno ang dagan sa motorsiklo gikan sa ubos nga dalan ug kalit nga mitungas sa flyover hangtod nga mibangga sa likod sa pick-up nga nagdagan usab sa maong dalan.
Human sa aksidente, gidali pagdala ang biktima sa Cebu South Medical Center aron matambalan. Apan, gideklarar siya sa mga doktor nga dead on arrival.
Padayon pa ang imbestigasyon sa mga otoridad aron matino ang tinuod nga hinungdan sa maong aksidente ug aron mahibaw-an ang tanang detalye sa nahitabo.
📸 CT-TODA
I via Renante Socia Lada