Opisyal nga gilusad sa Philippine National Police (PNP) ang 100 Days Operational Activities ug Solidarity Pact Signing alang sa 2025 National ug Local Elections (NLE) ug Bangsamoro Autonomous Region in Muslim Mindanao Parliamentary Elections (BARMM PE) sa Pebrero 5, 2025, sa Camp Crame, Quezon City. Kini nga kalihokan nagpakita sa panaghiusa sa mga ahensya sa gobyerno, electoral bodies, ug ubang stakeholders aron masiguro ang malinawon, patas, ug kasaligan nga eleksyon.
Si COMELEC Chairperson Atty. George Erwin M. Garcia, pinaagi sa iyang representante nga si COMELEC Spokesperson Atty. John Rey C. Laudiangco, ang nag-unang dinapit nga bisita ug nagsulti sa maong panghitabo. Usa sa mga gipasiugda sa kalihokan mao ang pagbendisyon sa bag-ong sakyanan sa PNP, nga nagpakita sa padayong paningkamot sa kapulisan nga palig-onon ang ilang kahimanan alang sa siguridad sa eleksyon.
Si PLTGEN Robert T. Rodriguez, Officer-in-Charge sa Office of the Deputy Chief for Operations ug Commander sa PNP Special Task Force (STF) para sa eleksyon, nagbukas sa programa pinaagi sa iyang welcome remarks. Gipasiugda niya ang importansya sa pagpangandam aron malikayan ang mga panghitabo nga makagubot sa eleksyon.
Usa sa mga highlights sa programa mao ang audio-visual presentation sa 100 Days Operational Activities, diin gipadayag ang mga estratehiya sa PNP aron mapugngan ang election-related violence ug mapalig-on ang luwas nga palibot sa botohan. Ang PNP Anti-Cybercrime Group (ACG) usab mipresentar sa ilang inisyatibo batok sa fake news ug misinformation, nga usa ka dakong hulga sa kasaligan nga eleksyon.
Ang pinaka importanteng bahin, ang pagbasa ug pagpirma sa Solidarity Pact, nga gihimo sa mga representante sa COMELEC, Armed Forces of the Philippines (AFP), Philippine Coast Guard (PCG), Department of Education (DepEd), PNP, faith-based leaders, ug PNP-accredited NGOs. Kini nagpakita sa ilang tinud-anay nga pasalig sa pagmintinar sa kalinaw ug pagpatuman sa patas nga eleksyon.
Si Atty. Laudiangco usab nanguna sa usa ka demonstrasyon kung giunsa ang husto nga pagboto, nga nagpalig-on sa importansya sa edukasyon sa mga botante aron malikayan ang electoral fraud.
Sa iyang mensahe, si PNP Chief PGEN Rommel Francisco D. Marbil mipasiugda sa panginahanglan sa tukmang pagpangandam sulod sa sunod nga 100 ka adlaw.
Source: PNPI via Renante Socia Lada
#rpndykccebu
#675hzamband
#mrpublicservice