Nag-awhag karon ang Konseho sa Dakbayan sa Sugbo sa pagpatangtang sa tanang election materials sama sa tarpaulin, poster, ug uban pang kampanya nga materyales nga anaa sa daplin sa kadalanan sa siyudad.
Kini nga panawagan naggikan sa privilege speech ni Konsehal Pastor “Jun” Alcover, Jr., atol sa ilang regular session, diin iyang gibanatan ang nagkatag nga election materials sa lokal ug nasudnong mga kandidato.
Gisugyot ni Konsehal Alcover nga labot sa election materials, ang mga poster ug tarpaulin sa pribadong kompanya nga gisalapid o gipatapot sa mga kahoy daplin sa mga karsada kinahanglan usab nga tangtangon.
Base sa Republic Act 3571, gidili ang pagputol, paghagbas, o bisan unsang pagpangdaot sa mga kahoy, buwak, ug tanom nga nahimutang sa mga kadalanan, plaza, suroyanan, ug eskwelahan.
Ang Seksyon 4 sa maong balaod nagsilot sa mga malapason og pagkapriso sulod sa unom ka buwan ug usa ka adlaw hangtod unom ka tuig ug usa ka adlaw.
“I appeal to my fellow candidates that we should remind our campaign personnel not to put our election materials on trees or any other prohibited areas,” segon pa ni Konsehal Alcover.
Ang Cebu City Environment and Natural Resources Office (CCENRO) maoy gisangonan sa konseho aron magpatuman sa maong mandato.
Source: Cebu City PIO
I via Renante Socia Lada
#rpndykccebu
#675hzamband
#mrpublicservice