Magkahiusa ang mga mahilig sa chess sa Cebu ug Visayas alang sa “The Grandmaster Challenge: Philippine-Russian Open Chess Tournament” nga pagahimoon karong Mayo 23 ug 24, 2026 sa SM Seaside City Cebu.
Ang maong torneyo gihimo isip pagsaulog sa 50 ka tuig nga maayong relasyon tali sa Pilipinas ug Russia uban sa suporta sa Russian Consulate Cebu ug Russian Center.
Ang duwa adunay pito ka rounds gamit ang Swiss System format. Adunay duha ka kategorya nga pwedeng apilan—Open Category alang sa tanang edad ug Under 13 Category alang sa mga bata.
Sa Open Category, makadawat og ₱15,000 ang mahimong kampyon, ₱10,000 ang ikaduhang pwesto ug ₱7,000 ang ikatulong pwesto. Sa Under 13 Category, ₱5,000 ang madawat sa kampyon. Aduna usab espesyal nga premyo alang sa labing maayong senior citizen, PWD ug lady player sa Open Category. Ang registration fee kay ₱350 ug dili modawat og onsite registration.
Ang gusto moapil mahimong mobayad pinaagi sa GCash ug magparehistro online.
Source: Cebu City PIO I via Renante Socia Lada