Naghiusa ang Police Regional Office 7 (PRO7), National Housing Authority (NHA), ug uban pang ahensya sa gobyerno alang sa People’s Caravan 2025 nga may tema nga “Serbisyong Dala ay Pag-Asa” nga gipahigayon sa Mandaue City Sports & Cultural Complex niadtong Huwebes, Septiyembre 4, 2025. Ang kalihukan nagsugod alas-7 sa buntag ug natapos alas-4 sa hapon.
Ang caravan nagtumong sa pagduol sa serbisyo sa gobyerno ngadto sa mga tawo, pinaagi sa pagdala sa nagkadaiyang frontline services sama sa pabalay, kaluwasan, ug uban pang serbisyo sosyal. Giatiman kini sa mga mayor nga lider sa nasud ug rehiyon nga nagpakita sa ilang suporta alang sa maong inisyatiba.
Apil sa mga mitambong mao sila Mandaue City Mayor Thadeo Jovito M. Ouano, Cebu City Mayor Nestor Archival, Cebu Governor Pamela S. Baricuatro, Congresswoman Emmarie “Lolypop” Ouano-Dizon, NHA General Manager Joeben A. Tai, ug uban pang mga opisyal sa rehiyon. Usa usab sa nanguna mao si PCOL Kimberly E. Molitas, Chief sa Regional Community Affairs and Development Division sa PRO7.
Gisugdan ang programa pinaagi sa mga preliminaries ug dayon gisundan sa mensahe sa mga opisyales. Ang pinakapunto sa kalihukan mao ang Pledge of Commitment, diin ang NHA, PRO7, ug uban pang ahensya misaad sa mas lig-on nga panag-uban aron mapadali ug mapalapad ang serbisyo sa katawhan. Kini nagpakita sa tinud-anay nga pagtinabangay sa gobyerno alang sa kaayuhan sa komunidad.
Sa iyang pamulong, gipunting ni PRO7 Regional Director PBGEN Redrico A. Maranan ang kamahinungdanon sa panaghiusa.
“Public safety is a shared duty. Through the People’s Caravan, we bring peace, security, and essential services closer to every community in Central Visayas,” segon ni PBGEN Maranan
Ang People’s Caravan nagpadayon nga mahimong plataporma sa paghiusa sa mga ahensya sa gobyerno, aron ang mga programa mahimong mas inklusibo ug mas mapadayonon. Kini usab naglig-on sa relasyon tali sa gobyerno ug mga komunidad sa Cebu ug tibuok Central Visayas.
Source: PRO7-PIO
I via Renante Socia Lada