Giguba sa Police Regional Office 7 (PRO7) ug Philippine Drug Enforcement Agency Region 7 (PDEA-7) ang mga iligal nga drogas nga nagkantidad og kapin ₱468 milyon niadtong Disyembre 17, 2025 sa Cebu City.
Sa kinatibuk-an, 68.8 ka kilo nga iligal nga drogas ang giguba, lakip na ang shabu ug marijuana. Kadaghanan niini mga shabu nga nakuha sa nagkadaiyang anti-drug operations sa kapulisan ug PDEA.
Gikan sa PNP, 59.3 ka kilo sa shabu ug kapin 700 ka gramos sa marijuana ang ilang gihatag para gub-on. Samtang ang PDEA-7 mitampo og 9.5 ka kilo sa shabu ug 144 ka gramos sa marijuana. Ang ubang drogas nga giguba kay mga ebidensiya nga gisugo sa korte nga bungkagon aron dili na mabalik sa merkado.
Gitambongan ang kalihokan sa dagkong opisyal sa gobyerno, lakip ang Dangerous Drugs Board, PDEA, PRO7, lokal nga mga opisyal, DOJ, media, ug civil society groups aron masiguro ang klaro ug transparent nga proseso.
Matod ni PRO7 Regional Director PBGEN Redrico A. Maranan, “Every gram of illegal drugs confiscated is a life saved. This public destruction sends a strong message: seized drugs will never return to our communities, and we remain steadfast in protecting the people of Central Visayas, ”
Gipasalamatan usab ang nagkadaiyang ahensya ug lokal nga lider sa ilang panaghiusa sa kampanya batok sa iligal nga drogas. Giingon sa PRO7 ug PDEA-7 nga magpadayon sila sa istrikto, intelihente, ug ligal nga operasyon aron mapanalipdan ang katawhan sa Central Visayas.
Source: PRO7 PIO
I via Renante Socia Lada
#rpndykccebu
#675hzamband
#tandemexpress