Opisyal nang migradwar ang PSBRC Class 2025-01 “Legions” sa usa ka Badge of Honor Ceremony nga gihimo niadtong Disyembre 17, 2025 sa Camp Ceperino Genovia, Sibonga, Cebu, sumala sa Police Regional Office 7 (PRO7).
Ang mga migradwar nga bag-ong police non-commissioned officers karon opisyal nang kabahin sa Philippine National Police (PNP) ug andam na moserbisyo isip bag-o, disiplinado, ug duol sa komunidad nga mga pulis.
Nagsugod ang ilang training niadtong Disyembre 17, 2024 ug milungtad og usa ka tuig. Ang unang unom ka bulan kay Basic Recruit Course, ug gisundan sa Public Safety Field Training Program, diin ilang gitun-an ang aktuwal nga trabaho sa pulis sama sa patrolya, imbestigasyon, ug traffic enforcement.
Sa kinatibuk-an, 591 ka pulis ang migradwar, lakip ang 111 ka babaye ug 480 ka lalaki. Giingon sa PRO7 nga nakapasar sila sa istrikto nga pamatasan ug mga rekisito sa PNP, ug andam na moserbisyo sa katawhan sa Central Visayas.
Mitambong sa seremonya ang mga opisyal sa PRO7, uban ang mga pamilya sa mga migradwar nga maoy dakong bahin sa ilang kalampusan.
Matod ni PBGEN Redrico A. Maranan, Regional Director sa PRO7, “The badge you receive today is not merely an ornament. It is a responsibility — a promise to uphold the public’s trust and to embody the discipline, courage, and professionalism expected of every police officer.”
Gipasabot usab niya nga importante kaayo ang papel sa mga bag-ong pulis labi na nga mag-atubang ang rehiyon og dagkong kalihokan sama sa ASEAN Summit. Misalig siya nga andam na ang mga migradwar sa mga hagit nga umaabot.
Gipasalamatan usab ni PBGEN Maranan ang mga pamilya sa mga migradwar ug giabi-abi ang bag-ong henerasyon sa pulis isip.
“Today, we welcome you — the next generation of police leaders — as mga Makabagong Pulis sa Makabagong Panahon. Carry your badge with pride, courage, and a steadfast commitment to serve and protect. Congratulations!”
Source: PRO7 PIO
I via Renante Socia Lada
#rpndykccebu
#675hzamband
#tandemexpress