Sa buntag sa Disyembre 17, 2025, nagpahigayon ang Cebu City Police Office (CCPO), ubos kang PCOL George V. Ylanan, Officer-in-Charge, og Code 8 Simulation Exercise (SIMEX) sa NUSTAR Mall, Cebu City. Ang kalihokan kabahin sa padayon nga paningkamot sa kapulisan aron mapalig-on ang preparasyon sa seguridad, koordinasyon sa lain-laing units, ug emergency response.
Miapil sa aktibidad si PCPT Wilson S. Orapa, ubos sa pagmando ni PLTCOL Jenny Lyn Eteroza, Chief sa COMU, CCPO, kauban ang SWAT Cebu City, EOD/K9 Unit, ug mga NUSTAR Mall Security Personnel.
Ang senaryo sa simulation mao ang usa ka papel nga bag nga walay tag-iya ug gituohan nga adunay IED (Improvised Explosive Device) sulod sa mall. Pag-ila sa butang, dali ug husto nga gitubag sa EOD personnel gamit ang bomb disposal robot, nga nagpakita sa pagsunod sa safety protocols ug operational procedures.
Human sa simulation, gipahigayon ang post-activity critique sa mga miapil nga units. Giila ang taas nga lebel sa preparasyon, koordinasyon, ug pagkahumanon sa mga pulis ug security personnel sa mall, nga nagpakita sa ka-epektibo sa joint security efforts para sa kaluwasan sa publiko.
Ang simulation nahuman mga alas-9:50 sa buntag ug walay insidente nga nahitabo.
Gisiguro sa CCPO ang padayon nga proactive security measures ug kooperasyon sa private stakeholders aron mapadayon ang kalinaw, kahapsay, ug seguridad sa publiko sa Cebu City.
Source: CCPO
I via Renante Socia Lada
#rpndykccebu
#675hzamband
#tandemexpress