Ang Philippine Drug Enforcement Agency sa Central Visayas (PDEA-7) nagmakampuson sa pagsunog sa kapin P284 milyon nga balor sa ginadiling drugas karong adlawa Pebrero 13, 2025, didto sa Cosmopolitan Funeral Homes Inc., Junquera Street, Cebu City.
Ang mga ginadiling drogas gikuha gikan sa PDEA-7 Regional Office sa Lahug, Cebu City, ug gidala ngadto sa thermal facility sa Cosmopolitan Funeral Homes Inc. sa Junquera Street, Cebu City, diin kini gisunog.
Ang mga ginadiling drogas nga gisunog naglakip sa 41 ka kilo nga shabu, diin 16 ka kilo niini adunay court order alang sa pagdistrungka. Lakip usab ang 25 ka kilo nga shabu nga bag-ohay lang nasakmit sa Cebu City gikan sakay sa usa ka barko nga gikan sa Masbate, nga nagkantidad og P170 milyon.
Ang PDEA-7 nagpadayon sa ilang paningkamot nga mapapas ang mga ginadiling drogas aron malikayan ang pagbalik niini sa kadalanan ug masiguro ang kaluwasan sa komunidad. Ang pagguba sa mga nasakmit nga drogas nagpakita sa ilang padayon nga kampanya batok sa ilegal nga drogas sa rehiyon.
Source: PDEA-7
I via Renante Socia Lada
#rpndykccebu
#675hzamband
#mrpublicservice