Usa ka wanted nga lalaki ang nadakpan samtang usa ka menor de edad ang nasamdan human sa pagpahigayon sa operasyon sa kapulisan sa Sitio Baclao, Barangay Mabasa, Argao, Cebu sa alas-12:10 sa kaadlawon sa Pebrero 13, 2025.
Sumala sa report sa Argao Municipal Police Station (MPS), ilang gipatuman ang mando sa pagdakop batok kang Archie Zamora Delos Reyes, 37 anyos, nga may kaso ilawom sa RA 9165 (Comprehensive Dangerous Drugs Act of 2002), Artikulo II, Seksyon 5 ug 11.
Ang suspek ug sa iyang kauban nga si Louis Nino Puerto Avelino, 16 anyos, nakabantay nga pulis ang niduol kanila, nibunot dayon sa armas og namusil. Misukol ang kapulisan nga miresulta kini sa mubo nga engkwentro. Nadakpan si Delos Reyes samtang nasamdan si Avelino, nga gidala dayon sa Isidro C. Kintanar Memorial Hospital (ICKMH) sa Barangay Bogo, Argao, alang sa medikal nga pag-atiman.
Ang .ga nakuha nga ebidensya gikan kang Archie Zamora Delos Reyes: KG9 submachine gun (Intratec Miami FL Cal .45 ACP MOD TEC-KG9, Serial No. 322778), magazine nga adunay lima ka buhing bala, ug heat-sealed plastic sachet nga adunay puti nga kristal nga substansiya gituohang shabu (52 gramos, SDP: P353,600)
Samtang gikan kang Louis Nino Puerto Avelino nakuha ang: .45 caliber pistol (COLT’S PTFA MFG. CO HALTFORD CT. U.S.A), magazine nga adunay upat ka buhing bala, ug lima ka fired cartridges sa .45 caliber pistol.
Ang mga suspek mag-atubang og kasong may kalabotan sa RA 9165, RA 10591 (Comprehensive Firearms and Ammunition Regulation Act), ug COMELEC Gun Ban.
Ang kapulisan nagpahigayon pa og dugang imbestigasyon samtang gipaabot ang pormal nga spot report.
I via Renante Socia Lada