Upat ka mga suspetsado, lakip na ang usa ka 19-anyos nga lalaki, ang nadakpan atol sa buy-bust operation nga gihimo sa Philippine Drug Enforcement Agency (PDEA) Region 7 ug Cebu City Police Office (CCPO) Station 10 didto sa Sitio Sto. Niño, Barangay Labangon, Cebu City niadtong Agosto 2, 2025, sa alas 4:15 sa hapon.
Gisulod sa mga otoridad ang giingong drug den ug ilang nadakpan ang mga suspek. Nakuha sa operasyon ang kapin 20 ka pakete sa gituohang shabu nga adunay gibug-aton nga 15 gramos. Apil usab nga nasakmit ang buy-bust money, kwarta nga gituhong kita sa iligal nga drogas, ug lain-laing drug paraphernalia.
Giingon sa PDEA nga ang pagdumala og drug den usa ka seryoso nga krimen nga adunay katumbas nga silot nga atubangon o tukmang priso ug multa nga gikan ₱500,000 hangtod ₱10 milyon. Samtang ang pagbisita lang sa usa ka drug den, silotan og priso nga 12 ka tuig ug usa ka adlaw hangtod 20 ka tuig, ug multa nga ₱100,000 hangtod ₱500,000.
Padayon ang kampanya sa PDEA ug kapulisan batok sa iligal nga drogas ug ilang paningkamot nga limpyohan ang mga komunidad gikan sa paggamit ug pagpamaligya sa mga ginadiling drogas.
Nag-awhag ang mga otoridad sa katawhan nga ipadayon ang suporta ug kooperasyon alang sa kalinaw ug kaluwasan sa ilang palibot.
Source: PDEA-7
I via Renante Socia Lada
#rpndykccebu