Naghimo og opisyal nga command visit sa Lapu-Lapu City Police Office (LCPO) si Police Brigadier General Arnold Evangelista Abad aron palig-onon pa ang kahimtang sa kapulisan ug serbisyo publiko sa dakbayan sa Lapu-Lapu, karong adlawa.
Usa sa mga importante nga kalihokan mao ang pormal nga turnover sa mga ICT equipment ug mobility assets nga gamiton sa LCPO aron mas mapalambo ang komunikasyon, operasyon, ug mas paspas nga responde sa mga insidente ug kaluwasan sa publiko.
Gitambongan usab ang maong kalihokan ni Mayor Maria Cynthia āCindiā King Chan, LCPO City Director Agosto P. Daskeo, uban sa ubang opisyal ug commanders sa kapulisan.
Gipakita niini ang lig-on nga panagtinabangay sa lokal nga gobyerno ug kapulisan alang sa pagmintinar sa kalinaw ug kahapsay sa syudad.
Human sa turnover, gipangunahan usab ni PBGEN Abad ang briefing ug open forum uban sa mga opisyal ug personnel sa LCPO. Gihisgutan didto ang kasamtangang peace and order situation, mga nahimo sa operasyon, prayoridad nga programa, panginahanglan sa personnel, ug uban pang hagit sa paghatag og serbisyo sa katawhan.
Matod sa PRO7, kabahin kini sa ilang padayon nga paningkamot aron masiguro nga andam, kompleto sa ekipo, ug episyente ang mga police unit sa tibuok rehiyon sa pagserbisyo sa komunidad.
I via Renante Socia Lada